“Real” mag‘lubiyatsiz seriyasini 19 ta o‘yinga yetkazdi.
Karlo Anchelotti shogirdlari Ispaniya kubogida "Arandina"ni mag‘lub etishdi (3:1). Ular qatorasiga 5-marta g‘alaba qozondi.
Madridliklar oxirgi marta 24 sentyabr kuni “Atletiko”ga (1:3) mag‘lub bo‘lgandi. O‘shandan beri ular La Liga, Qirol Kubogi va Chempionlar Ligasida 16 g‘alaba va 3 durangga erishgan.
Keyingi o‘yin "Atletiko"ga qarshi. U 10 yanvar kuni Ispaniya Superkubogi doirasida bo‘lib o‘tadi.