"Arsenal" bosh murabbiyi Mikel Arteta Angliya Premyer-ligasidagi ketma-ket ikki mag‘lubiyatdan so‘ng jamoasining holati haqida gapirdi.

Eslatib o‘tamiz, bugun “kanonirlar” Angliya kubogi doirasida “Liverpul”ga qarshi bahs olib borishadi.

"Ketma-ket ikkita mag‘lubiyat futbolchilarning o‘ziga bo‘lgan ishonchiga ta’sir qildimi? Ha, lekin faqat ma’lum bir vaqt ichida.

Bayram oldidan ham biz ligada peshqadam edik, hozir esa to‘rtinchi o‘rindamiz. Mening vazifam uzoq muddatli nuqtayi nazardan qarash va bir yoki ikkita yomon o‘yin ta’siriga tushmaslikdir.

Bu hatto natija haqida ham emas", - dedi Arteta matbuot anjumanida.