Top-liga futbolchilari orasida Kevin de Bryuyne 2022 yilning yozidan buyon golli uzatmalarda yetakchilik qilmoqda.
"Manchester Siti" yarim himoyachisi bugun Angliya kubogi doirasida "Xaddersfild"ga (5:0) qarshi o‘yinning 74-daqiqasida Jeremi Dokuga golli uzatma berdi.
O‘tgan mavsum boshidan beri belgiyalik futbolchi barcha musobaqalarda 30 ta golli uzatmani amalga oshirdi. Bu top-5 chempionatlar ishtirokchilari orasida eng yaxshi natijadir.
Bu vaqt ichida Muhammad Saloh (“Liverpul”) 24, Vinisius Junior (“Real”) va Bukayo Saka (“Arsenal”) 22 tadan, Antuan Grizmann (“Atletiko”) 21 ta golli uzatmaga ega.
E’tiborlisi, De Bryuyne joriy mavsumning aksariyat qismini o‘tkazib yubordi va bor-yo‘g‘i uch marta maydonga tushib, ikkita golli uzatmani amalga oshirdi.
