Топ-лига футболчилари орасида Кевин де Брюйне 2022 йилнинг ёзидан буён голли узатмаларда етакчилик қилмоқда.

"Манчестер Сити" ярим ҳимоячиси бугун Англия кубоги доирасида "Хаддерсфилд"га (5:0) қарши ўйиннинг 74-дақиқасида Жереми Докуга голли узатма берди.

Ўтган мавсум бошидан бери бельгиялик футболчи барча мусобақаларда 30 та голли узатмани амалга оширди. Бу топ-5 чемпионатлар иштирокчилари орасида энг яхши натижадир.

Бу вақт ичида Муҳаммад Салоҳ (“Ливерпуль”) 24, Винисиус Жуниор (“Реал”) ва Букайо Сака (“Арсенал”) 22 тадан, Антуан Гризманн (“Атлетико”) 21 та голли узатмага эга.

Эътиборлиси, Де Брюйне жорий мавсумнинг аксарият қисмини ўтказиб юборди ва бор-йўғи уч марта майдонга тушиб, иккита голли узатмани амалга оширди.