"Jenoa" klubi himoyachisi Radu Dragushin qishda o‘yinchi sotib olmoqchi bo‘lgan Yevropaning yana bir top-klubi ro‘yxatidan joy oldi.
Jurnalist Florian Plettenberg xabariga ko‘ra, "Bavariya" futbolchi uchun kurashga qo‘shilgan. Qayd etilishicha, myunxenliklar bosh murabbiyi va klub rahbariyati 21 yoshli markaziy himoyachini o‘z jamoalari ichida kelishuvga erishish imkoniyatlarini muhokama qilib bo‘lishgan.
"Real", "Tottenxem" va "Napoli" qiziqish bildirayotgani xabar qilingandi. Angliya va Italiya klublari Dragushin bilan shartnoma imzolash borasida faolroq muzokaralar olib bormoqda.
