Yarim himoyachi Konor Gallaxerning "Chelsi"ni tark etishi ehtimoli saqlanib qolmoqda. 23 yoshli futbolchiga "Tottenxem" qiziqish bildirmoqda, ammo "shporlar" "aristokratlar" istagan miqdordagi pulni to‘lashga tayyor emas.

Hozirda "Chelsi" va Gallaxerning agenti o‘rtasida yangi shartnoma bo‘yicha muzokaralar davom etmoqda, agar maqbul taklif tushsa, klub yanvar oyida yarim himoyachini sotishi mumkin, deb xabar beradi BBC. Eslatib o‘tamiz, ingliz futbolchisining amaldagi shartnomasi 2025 yilning yozida yakuniga yetadi.

Transfermarkt ma’lumotlariga ko‘ra, Konor Gallaxerning transfer qiymati 42 million yevro. Joriy mavsumda "ko‘klar" tarbiyalanuvchisi Maurisio Pochettino jamoasida 24 ta o‘yinda maydonga tushib, 4 ta golli uzatmani amalga oshirdi.