Xalqaro futbol federasiyasi (FIFA) prezidenti Janni Infantino buyuk nemis futbolchisi Frans Bekkenbauerning o‘limiga munosabat bildirdi.
“Kayzer” buyuk inson, futbol ishqibozi, chempion va haqiqiy afsona edi. Biz sizni hech qachon unutmaymiz, aziz Frans, hammasi uchun rahmat”, — deb yozdi tashkilot rahbari ijtimoiy tarmoqlarda.
Bekkenbauer 8-yanvar, dushanba kuni vafot etdi. Buyuk futbolchi professional faoliyati davomida uchta yevrokubok, to‘rt marta Germaniya chempionligi, jahon chempioni va Yevropa chempioni bo‘lgan. Bekkenbauer murabbiy sifatida ham jahon chempioniga aylangan.
