Халқаро футбол федерацияси (ФИФA) президенти Жанни Инфантино буюк немис футболчиси Франц Беккенбауэрнинг ўлимига муносабат билдирди.
“Кайзер” буюк инсон, футбол ишқибози, чемпион ва ҳақиқий афсона эди. Биз сизни ҳеч қачон унутмаймиз, азиз Франц, ҳаммаси учун раҳмат”, — деб ёзди ташкилот раҳбари ижтимоий тармоқларда.
Беккенбауэр 8-январь, душанба куни вафот этди. Буюк футболчи профессионал фаолияти давомида учта еврокубок, тўрт марта Германия чемпионлиги, жаҳон чемпиони ва Европа чемпиони бўлган. Беккенбауэр мураббий сифатида ҳам жаҳон чемпионига айланган.
