Fransiyaning “Lill” klubi hujumchisi Jonatan Devidga Angliya premyer-ligasining ikki klubi qiziqish bildirmoqda. Ma’lumotlarga ko‘ra, kanadalik futbolchining xizmatlariga hozirda chempionat jadvalida ikkinchi o‘rinni egallab turgan "Manchester Yunayted" va "Aston Villa" klublari qiziqmoqda.
23 yoshli Devidning kelasi yozda "Lill" bilan shartnomasi tugashiga bir yil vaqt qoladi. Fransuz klubi shartnomani uzaytirishdan bosh tortayotgan kanadalik futbolchini sotish ehtimoli yuqori.
Transfermarkt Devidni 50 million yevroga baholamoqda. Jonatan faoliyati davomida Fransiya chempionatida 129 ta o‘yin o‘tkazib, 57 ta gol va 8 ta golli uzatmani amalga oshirgan.
