Франциянинг “Лилль” клуби ҳужумчиси Жонатан Дэвидга Англия премьер-лигасининг икки клуби қизиқиш билдирмоқда. Маълумотларга кўра, канадалик футболчининг хизматларига ҳозирда чемпионат жадвалида иккинчи ўринни эгаллаб турган "Манчестер Юнайтед" ва "Астон Вилла" клублари қизиқмоқда.
23 ёшли Дэвиднинг келаси ёзда "Лилль" билан шартномаси тугашига бир йил вақт қолади. Француз клуби шартномани узайтиришдан бош тортаётган канадалик футболчини сотиш эҳтимоли юқори.
Transfermarkt Дэвидни 50 миллион еврога баҳоламоқда. Жонатан фаолияти давомида Франция чемпионатида 129 та ўйин ўтказиб, 57 та гол ва 8 та голли узатмани амалга оширган.