Madridning “Real” klubi bosh murabbiyi Karlo Anchelotti Saudiya Arabistonida ish topishi mumkinligi haqidagi savolga javob berdi.

"Saudiya Arabistonidan taklif bormi? Yo‘q, bu yolg‘on. Ular meni unutishdi", - dedi Anchelotti seshanba kuni bo‘lib o‘tgan matbuot anjumanida jurnalistlarga.

Anchelotti ayni damda "Real"ni "Atletiko"ga qarshi Ispaniya Superkubogi yarim finaliga tayyorlamoqda. Madrid jamoalari 10 yanvar, chorshanba kuni turnir finali yo‘llanmasi uchun kurash olib boradi.

Eslatib o‘tamiz, “Real” hozirda “Jirona” bilan birga La Liga turnir jadvalida peshqadamlik qilmoqda – jamoalar hisobida 48 ochko bor.