Мадриднинг “Реал” клуби бош мураббийи Карло Анчелотти Саудия Арабистонида иш топиши мумкинлиги ҳақидаги саволга жавоб берди.
"Саудия Арабистонидан таклиф борми? Йўқ, бу ёлғон. Улар мени унутишди", - деди Анчелотти сешанба куни бўлиб ўтган матбуот анжуманида журналистларга.
Анчелотти айни дамда "Реал"ни "Атлетико"га қарши Испания Суперкубоги ярим финалига тайёрламоқда. Мадрид жамоалари 10 январь, чоршанба куни турнир финали йўлланмаси учун кураш олиб боради.
Эслатиб ўтамиз, “Реал” ҳозирда “Жирона” билан бирга Ла Лига турнир жадвалида пешқадамлик қилмоқда – жамоалар ҳисобида 48 очко бор.
