"Bavariya" "Jenoa"ga markaziy himoyachi Radu Dregushin transferi bo‘yicha rasmiy taklif bilan chiqdi.

21 yoshli futbolchi allaqachon "Tottenxem" bilan shartlarni kelishib olgan edi va u Londonga ko‘chib o‘tishi vaqt masalasi edi, ammo bu transfer dostonida yangi burilish yuz berdi.

Insayder Fabrisio Romano xabariga ko‘ra, "Bavariya" ruminiyalik uchun "Jenoa"ga rasmiy taklif yuborgan.

Qayd etilishicha, myunxenliklar Italiya klubiga "shporlar"ga qaraganda biroz qulayroq shartlarni taklif qilgan.

Endi tanlov futbolchining o‘ziga bog‘liq. Avval xabar qilinganidek, “Tottenxem” Radu Dregushin uchun taxminan 30 million yevro taklif qilgan, shundan 5 millioni bonuslarni o‘z ichiga oladi.