Hujumchi Timo Verner Angliyaga qaytganidan keyingi ilk taassurotlari bilan o‘rtoqlashdi. 27 yoshli futbolchi "RB Leypsig"dan "Tottenxem"ga rasman mavsum oxirigacha ijara asosida o‘tdi. Shartnoma forvardni keyinchalik qayta sotib olish variantini nazarda tutadi.

“Yana bu yerda bo‘lganimdan juda xursandman. Maydonga tushishni kuta olmayman”, - deb yozdi nemis futbolchisi shartnoma rasmiy tasdiqlangach, darhol ijtimoiy tarmoqlarda.

Timo Verner joriy mavsumda “RB Leypsig” safida 14 ta o‘yinda maydonga tushib, 2 ta gol va 1 ta golli uzatmaga mualliflik qilgan.