Fransiyaning "PSJ" klubi prezidenti Nosir Al-Xelayfi klubdagi o‘zgarishlar haqida gapirdi.
"Biz ko‘p ishlarni qildik, ba’zilari ishladi, ba’zilari esa yo‘q. Biz xato qildik, bu normal holat. Hozir biz fransuz futbolchilari bilan uzoq muddatga jamoa tuzdik, biz shoshilmayapmiz. Biz yaxshi texnik guruh yaratdik, tizim ham o‘zgardi va men buni ko‘rganimdan xursandman. Biz futbol o‘ynaymiz, ular bir jamoa bo‘lib o‘ynashadi, birgalikda himoyalanishadi, muhit ajoyib.
O‘zgartirish, yangi narsalarni qurish vaqti keldi. Parijda bizda dunyoning eng yaxshi futbolchisi bor va bugun biz dunyoning eng yaxshi klublaridan birimiz. UYEFA reytingida to‘rtinchi o‘rinni egallab turibmiz. Biz 2011 yilda kelganmiz va reytingda qaysi o‘rinda ekanligimizni bilmayman. Biz oldinga intilishda davom etishimiz va g‘alaba qozonish uchun ishlashimiz kerak, jumladan, Chempionlar ligasida ham, lekin Chempionlar ligasiga shunchalik bosim o‘tkazish xato bo‘lgandir. Futbol unchalik oddiy emas", - dedi Al-Xelayfi Marca bilan suhbatda.
Al-Xelayfi investisiya fondi 2011 yilda "PSJ"ni sotib olgan. O‘shandan beri jamoa to‘qqizta chempionlik, oltita Fransiya kubogi va oltita Liga kubogi, shuningdek, o‘nta Fransiya Superkubogini qo‘lga kiritdi.
