OAVda norvegiyalik hujumchi Erling Xolandning "Manchester Siti"ni tark etishi mumkinligi haqida yangi mish-mishlar tarqaldi. Jurnalist Ramon Alvaresning ijtimoiy tarmoqlarda xabar berishicha, 23 yoshli skandinaviyalik futbolchi "Real"ga o‘tish variantiga qiziqmoqda.

Manbaga ko‘ra, Xoland bu haqda o‘tgan yozda "Los-Blankos"ga ko‘chib o‘tgan yarim himoyachi Jud Bellingem bilan gaplashgan. Avvalroq matbuotda “qirollik” klubi Erlingni 100 million yevro evaziga sotib olishi mumkinligi haqida xabarlar tarqalgan edi.

Angliya chempionatining joriy mavsumida norvegiyalik futbolchi 15 ta o‘yin o‘tkazib, 14 ta gol va 4 ta golli uzatmani amalga oshirgan.