ОАВда норвегиялик ҳужумчи Эрлинг Холанднинг "Манчестер Сити"ни тарк этиши мумкинлиги ҳақида янги миш-мишлар тарқалди. Журналист Рамон Альвареснинг ижтимоий тармоқларда хабар беришича, 23 ёшли скандинавиялик футболчи "Реал"га ўтиш вариантига қизиқмоқда.
Манбага кўра, Холанд бу ҳақда ўтган ёзда "Лос-Бланкос"га кўчиб ўтган ярим ҳимоячи Жуд Беллингем билан гаплашган. Аввалроқ матбуотда “қироллик” клуби Эрлингни 100 миллион евро эвазига сотиб олиши мумкинлиги ҳақида хабарлар тарқалган эди.
Англия чемпионатининг жорий мавсумида норвегиялик футболчи 15 та ўйин ўтказиб, 14 та гол ва 4 та голли узатмани амалга оширган.
