«Arsenal» yana bir bor «Nyukasl» hujumchisi Aleksandr Isakni sotib olish variantini ko‘rib chiqmoqda. Bu haqda Football Transfers xabar bermoqda.
Manbaga ko‘ra, Isakni 2022 yilda nishonga olgan «Arsenal» shved futbolchisiga yana qiziqish bildirgan. «Kanonirlar» Aleksandrni qishda qo‘lga kiritish qiyin bo‘lishini tushunishadi. Biroq London klubi kelajakda «Nyukasl» hujumchisini o‘z safiga qo‘shib olmoqchi. Qayd etilishicha, uning xizmatlariga shaxsan «Arsenal» bosh murabbiyi Mikel Arteta qiziqmoqda.
Eslatib o‘tamiz, Aleksandr Isak 2022 yilning avgustidan beri «Nyukasl» futbolchisi hisoblanadi. Uning ingliz klubi bilan amaldagi shartnomasi 2028 yilning iyunigacha mo‘ljallangan.