«Арсенал» яна бир бор «Ньюкасл» ҳужумчиси Александр Исакни сотиб олиш вариантини кўриб чиқмоқда. Бу ҳақда Football Transfers хабар бермоқда.
Манбага кўра, Исакни 2022 йилда нишонга олган «Арсенал» швед футболчисига яна қизиқиш билдирган. «Канонирлар» Александрни қишда қўлга киритиш қийин бўлишини тушунишади. Бироқ Лондон клуби келажакда «Ньюкасл» ҳужумчисини ўз сафига қўшиб олмоқчи. Қайд этилишича, унинг хизматларига шахсан «Арсенал» бош мураббийи Микель Артета қизиқмоқда.
Эслатиб ўтамиз, Александр Исак 2022 йилнинг августидан бери «Ньюкасл» футболчиси ҳисобланади. Унинг инглиз клуби билан амалдаги шартномаси 2028 йилнинг июнигача мўлжалланган.