Gambiya terma jamoasi samolyotida bosim va kislorod yo‘qolishi sababi aniqlandi. Gap shundaki, Afrika terma jamoasiga juda kichik bo‘lgan, unchalik ko‘p odamlar uchun mo‘ljallanmagan samolyot taqdim etilgan, deb yozadi X ijtimoiy tarmog‘idagi Afrika Millatlar kubogi yangiliklariga bag‘ishlangan nashr.
Avvalroq Gambiya terma jamoasi bosh murabbiyi agar parvoz yana 30 daqiqa davom etganida, samolyot bortidagi barcha odamlar halok bo‘lgan bo‘lardi, deb ta’kidlagan edi.
Eslatib o‘tamiz, dastlabki ekspertiza salonida bosim va kislorod yo‘qolganini aniqlagan. Gambiya futbol federasiyasi jamoaning imkon qadar tezroq qit’a chempionati uchun Kot-d'Ivuarga borishi uchun tezkor yechim topish ustida ish olib borayotganini aytdi.
