Leonardo Bonuchchi Germaniyaning "Union" klubi bilan xayrlashdi. Futbolchi yevrokubok uchun kelganini aniq aytdi. Faoliyatining so‘nggi mavsumida Bundesligada jon saqlab qolish uchun kurashish istagi yo‘qligini bildirdi.
"Bu, ehtimol, mening so‘nggi mavsumim, maqsadim qaytib kelib, to‘liq vaqtda o‘ynash edi. "Union" menga bu imkoniyatni berdi, ammo klubning maqsadlari endi o‘zgardi. Men o‘z yo‘limdan borishga qaror qildim.
Bugun men mamlakatni o‘zgartiryapman, lekin maqsadlarimni emas. Barcha hamkorlar, rahbariyat, oila va bu tajribada menga yordam berganlarga rahmat", — deb yozdi Bonuchchi o‘zining ijtimoiy tarmoqdagi sahifasida.
