"Fenerbaxche" yarim himoyachi Rade Krunich transferi borasida "Milan" bilan kelishuvga erishganini e’lon qildi.
"Klubimiz yarim himoyachi Rade Krunich va uning klubi "Milan" klubi bilan prinsipial kelishuvga erishdi", - deyiladi "kanareykalar" matbuot xizmati xabarida.
Qayd etilishicha, juma kuni 30 yoshli Krunich tibbiy ko‘rikdan o‘tish va kelishuvni yakunlash uchun Istanbulga keladi.
Rada Krunich 30 yoshda va 2019 yilning yozidan beri "Milan"da o‘ynamoqda. Joriy mavsumda bosniyalik 14 ta rasmiy o‘yinda maydonga tushdi.