"Chelsi" bosh murabbiyi Maurisio Pochettino jamoasi yosh ekanligini ta’kidlashdan charchamaydi.

Bu haqda yana bir bor argentinalik murabbiy juma kuni - "Fulxem"ga qarshi APL o‘yinidan oldingi matbuot anjumanida ma’lum qildi.

“Har bir o‘yin biz uchun finaldek bo‘lishi kerak. Bizda yosh jamoa bor, shuning uchun har bir o‘yinda barqaror bo‘lish va natija ko‘rsatish biz uchun qiyin.

Lekin biz harakat qilamiz. Bu uzoq jarayon. Buning sodir bo‘lishini bilardik. Eng muhimi, ular bilan shug‘ullanishdir.

Ba’zi kutilmagan lahzalar biz uchun vaziyatni murakkablashtirdi. Ammo biz xotirjamlikni saqlaymiz va nima qilish kerakligini bilamiz.

O‘ylaymanki, vaqt o‘tishi bilan biz bu yerda katta muvaffaqiyatlarga erishamiz. Bunga shubham yo‘q", - dedi Pochettino.