"Челси" бош мураббийи Маурисио Почеттино жамоаси ёш эканлигини таъкидлашдан чарчамайди.

Бу ҳақда яна бир бор аргентиналик мураббий жума куни - "Фулхэм"га қарши AПЛ ўйинидан олдинги матбуот анжуманида маълум қилди.

“Ҳар бир ўйин биз учун финалдек бўлиши керак. Бизда ёш жамоа бор, шунинг учун ҳар бир ўйинда барқарор бўлиш ва натижа кўрсатиш биз учун қийин.

Лекин биз ҳаракат қиламиз. Бу узоқ жараён. Бунинг содир бўлишини билардик. Энг муҳими, улар билан шуғулланишдир.

Баъзи кутилмаган лаҳзалар биз учун вазиятни мураккаблаштирди. Aммо биз хотиржамликни сақлаймиз ва нима қилиш кераклигини биламиз.

Ўйлайманки, вақт ўтиши билан биз бу ерда катта муваффақиятларга эришамиз. Бунга шубҳам йўқ", - деди Почеттино.