Dortmundning “Borussiya” klubi rahbariyati jamoaga yangi kelgan angliyalik Jeydon Sanchoning jismoniy formasidan hayratda.
Sky xabariga ko‘ra, klub rahbarlari vingerning o‘yin amaliyotiga ega bo‘lmagani uchun shubhalanishgandi, biroq uning mashg‘ulotlardagi o‘yini ularning fikrini o‘zgartirdi.
Ma’lum bo‘lishicha, 13 yanvar kuni Sancho "Darmshtadt"ga qarshi o‘yin uchun tarkibda bo‘ladi va maydonga tushadi. Joriy mavsumda 23 yoshli hujumchi «Manchester Yunayted» safida barcha musobaqalarda bor yo‘g‘i 3 ta o‘yinda maydonga tushdi. 11 yanvar kuni futbolchi rasman Dortmundning «Borussiya» klubiga mavsum oxirigacha ijaraga berildi.
