Дортмунднинг “Боруссия” клуби раҳбарияти жамоага янги келган англиялик Жейдон Санчонинг жисмоний формасидан ҳайратда.
Sky хабарига кўра, клуб раҳбарлари вингернинг ўйин амалиётига эга бўлмагани учун шубҳаланишганди, бироқ унинг машғулотлардаги ўйини уларнинг фикрини ўзгартирди.
Маълум бўлишича, 13 январь куни Санчо "Дармштадт"га қарши ўйин учун таркибда бўлади ва майдонга тушади. Жорий мавсумда 23 ёшли ҳужумчи «Манчестер Юнайтед» сафида барча мусобақаларда бор йўғи 3 та ўйинда майдонга тушди. 11 январ куни футболчи расман Дортмунднинг «Боруссия» клубига мавсум охиригача ижарага берилди.
