Argentina terma jamoasi va Madridning “Atletiko” klubining markaziy yarim himoyachisi Rodrigo de Paul hamon Turinning “Yuventus” klubi qiziqishlari doirasida bo‘lib turibdi.
Bu haqda Todofichajes jurnalistlari xabar bermoqda. Manbaning xabariga ko‘ra, «matraschilar» 29 yoshli futbolchi uchun 40 million yevrodan oshib ketadigan takliflarni ko‘rib chiqishga tayyor.
"Atletiko" va argentinalik futbolchi o‘rtasidagi amaldagi shartnoma 2026 yilning iyunigacha mo‘ljallangan.
Ispaniya chempionatining joriy mavsumida Rodrigo 16 o‘yin o‘tkazib, 4 ta golli uzatmani amalga oshirdi. Uning uchta sariq kartochkasi bor.
