"Manchester Yunayted"ning sobiq hujumkor yarim himoyachisi, hozirda erkin agent bo‘lgan Jessi Lingard o‘zining barcha agentlarini ishdan bo‘shatishga qaror qildi, ularning ba’zilari uning oila a’zolari edi. Bu haqda Sky Sports xabar bermoqda.
Manbaga ko‘ra, 31 yoshli futbolchi bu yo‘l bilan tezda o‘ziga yangi jamoa topa olishiga ishongani uchun shunday qilgan. Lingard o‘z vakillarining klublar bilan muzokaralar vaqtidagi harakatlaridan hafsalasi pir bo‘lgan.
Eslatib o‘tamiz, yarim himoyachining so‘nggi klubi Angliyaning "Nottingem Forest" klubi bo‘lib, u o‘tgan yilning iyul oyida jamoani tark etgandi. So‘nggi bir oy davomida yarim himoyachi Saudiya Arabistonining "Al-Ittifoq" jamoasida mashg‘ulotlar olib bordi.
Avvalroq OAVda Lingard vakillari uning xizmatlarini "Barselona"ga taklif qilgani haqida ma’lumotlar paydo bo‘lgandi.
