Fransiya terma jamoasi bosh murabbiyi Didye Desham jamoasining bo‘lajak Yevropa chempionatidagi holatiga baho berar ekan, kamtarlik qilmadi. Mutaxassisning tan olishicha, "uch rangli"lar favoritlar qatorida.
"Biz Yevro-2024ning favoritlardanmiz va buni yashirmoqchi emasmiz" - dedi Desham Telefoot bilan suhbatda.
Yevropa chempionati iyun-iyul oylarida Germaniyada bo‘lib o‘tadi. Fransiya terma jamoasi 2000 yildan beri ilk bor Yevroni yutish uchun harakat qiladi. Agar so‘nggi qit’a futbol forumi haqida gapiradigan bo‘lsak, 2021 yilda Desham jamoasi shov-shuvli tarzda 1/8 finalda mag‘lub bo‘lib, Shveysariyaga penaltilar seriyasida yutqazib qo‘ygandi.
