Франция терма жамоаси бош мураббийи Дидье Дешам жамоасининг бўлажак Европа чемпионатидаги ҳолатига баҳо берар экан, камтарлик қилмади. Мутахассиснинг тан олишича, "уч рангли"лар фаворитлар қаторида.
"Биз Евро-2024нинг фаворитларданмиз ва буни яширмоқчи эмасмиз" - деди Дешам Telefoot билан суҳбатда.
Европа чемпионати июнь-июль ойларида Германияда бўлиб ўтади. Франция терма жамоаси 2000 йилдан бери илк бор Еврони ютиш учун ҳаракат қилади. Агар сўнгги қитъа футбол форуми ҳақида гапирадиган бўлсак, 2021 йилда Дешам жамоаси шов-шувли тарзда 1/8 финалда мағлуб бўлиб, Швейцарияга пенальтилар сериясида ютқазиб қўйганди.
