«Manchester Yunayted»ning ikki futbolchisi jarohati tufayli uzoq vaqt maydonga tushmaganidan so‘ng darhol jamoa ro‘yxatiga qaytdi.
United Stand xabariga ko‘ra, markaziy himoyachi Lisandro Martines va yarim himoyachi Kazemiro bugun «Tottenxem»ga qarshi o‘yinda Erik ten Xag jamoasining zaxira o‘rindig‘ida bo‘lishadi.
Eslatib o‘tamiz, Martines va Kazemiro jarohati sabab mavsumning birinchi yarmini ko‘p qismini o‘tkazib yuborishgandi.
Murabbiy Erik ten Xag har ikki futbolchi mavsumning qolgan qismida muhim rol o‘ynashiga umid qilmoqda.
Kecha «Manchester Yunayted» Premyer-liga turnir jadvalida to‘qqizinchi o‘ringa tushib ketdi, ammo «Tottenxem» ustidan qozonilgan g‘alaba jamoaning o‘rnini to‘g‘irlashi mumkin.
