«Манчестер Юнайтед»нинг икки футболчиси жароҳати туфайли узоқ вақт майдонга тушмаганидан сўнг дарҳол жамоа рўйхатига қайтди.
United Stand хабарига кўра, марказий ҳимоячи Лисандро Мартинес ва ярим ҳимоячи Каземиро бугун «Тоттенхэм»га қарши ўйинда Эрик тен Хаг жамоасининг захира ўриндиғида бўлишади.
Эслатиб ўтамиз, Мартинес ва Каземиро жароҳати сабаб мавсумнинг биринчи ярмини кўп қисмини ўтказиб юборишганди.
Мураббий Эрик тен Хаг ҳар икки футболчи мавсумнинг қолган қисмида муҳим рол ўйнашига умид қилмоқда.
Кеча «Манчестер Юнайтед» Премьер-лига турнир жадвалида тўққизинчи ўринга тушиб кетди, аммо «Тоттенхэм» устидан қозонилган ғалаба жамоанинг ўрнини тўғирлаши мумкин.
