Bugun "Nasaf" Antaliyadagi yig‘in doirasida Kosovaning “Llapi” jamoasi bilan bellashdi.

Uchrashuvning birinchi bo‘limida hisob ochilmadi. Ikkinchi bo‘limning 75-daqiqasida raqib jarima maydonchasi ichida Islom Kenjaboyevga qarshi qo‘pollik ishlatildi. Penaltini aynan Islomning o‘zi amalga oshirib uchrashuvda hisobni ochdi - 0:1. 84-daqiqada qarshiliklar himoyachilarining xatosidan so‘ng Mergim Chernaverni hisobni tenglashtirdi - 1:1. Uchrashuvning so‘nggi daqiqalarida "ajdarlar" burchak to‘piga ega bo‘lishdi. Dastlab burchdakdan o‘yinga kiritib berilgan to‘p raqib jarima maydonchasidan uzoqlashtirildi ammo takroriy oshirib berilgan uzatmadan braziliyalik Viktor Da Silva unumli foydalanib, "Nasaf"ni hisobda oldinga olib chiqdi - 1:2.
Shu tariqa jamoa Antaliyadagi birinchi nazorat uchrashuvini g‘alaba bilan yakunlashdi.

Turkiya. Antaliya

14.01.2024 | 18:00

Gollar: I. Kenjaboyev 75 (P), M. Chernaverni 84, V. Da Silva 90

"Nasaf": Umidjon Ergashev, G‘olib G‘aybullayev, Igor Golban, Akmal Mozgovoy, Oybek Bozorov, Javohir Sidiqov, Islom Kenjaboyev, Doniyor Narzullayev, Murodbek Rahmatov, Shahzod Akramov, Bekjon Jo‘raboyev;

Zaxiradan maydonga tushganlar: Zafar Xakimov, Javohir O‘tamurodov, Marko Stanoyevich, Temur Chogadze, Nodirbek Mukarov, Asliddin Tursupo‘latov, Viktor Da Silva.