"Barselona" bosh murabbiyi Xavi "Real" bilan o‘yindagi mag‘lubiyat haqida fikr bildirdi.
"Bizning hafsalamiz pir bo‘ldi. Bu uyat, chunki umidlarimiz katta edi. O‘yinni juda yomon boshladik. Ba’zida ustunlik qildik, ammo o‘yinda o‘zimizni qulay his qilmadik. "Real Madrid" g‘alaba qozonishga haqli edi. Har doim hurmat va sport mahoratini namoyon etadigan Karlo Anchelottini g‘alaba bilan tabriklayman.
Muxlislardan uzr so‘rayman, chunki bu o‘yinda biz raqobat qilolmadik , ammo "Barsa" qaytadi. Tanqidni qabul qilishimiz kerak, biz xohlagan darajada emas edik. Mavsumning qolgan qismida bundan saboq olishimiz kerak”, - dedi kataloniyaliklar ustozi.
