Londonning “Chelsi” klubi rahbariyati bosh murabbiy Maurisio Pochettinoning Levi Kolvilldan foydalanish uslubidan norozi.
Angliyalik futbolchi nominal jihatdan markaziy himoyachi hisoblanadi, ammo argentinalik mutaxassis ko‘pincha himoyaning chap qanotida uni o‘ynatmoqda.
Mett Lou bergan ma’lumotlarga ko‘ra, Pochettinoning 20 yoshli Kolvill borasidagi qarorlari "Chelsi" rahbariyatiga to‘g‘ri kelmaydi.
To‘g‘ri, ko‘p hollarda argentinalik murabbiy Ben Chiluell va Mark Kukurelyalarning jarohati tufayli Levini chap tomonga qo‘yishga majbur bo‘lgan.
Eslatib o‘tamiz, Kolvill yozda “Chelsi” bilan yangi shartnoma imzolagan edi. Angliyalik futbolchining joriy Premyer-ligada bir gol va bir golli uzatmasi bor.
