Matiya Popovich uchun "Napoli" va "Bavariya" kurashmoqda.
Jurnalist Florian Plettenbergning yozishicha, myunxenliklar klubi 18 yoshli yarim himoyachiga erkin agent sifatida shartnoma imzolash taklifini yuborgan. Unga uzoq muddatli shartnoma taklif qilishmoqda.
Parfenopiyaliklar ham Popovichni o‘zlariga qo‘shilishga ko‘ndirmoqchi. Qaror hali qabul qilingani yo‘q, ammo yil boshida "Partizan"ni tark etadigan serb "Bavariya" variantiga moyilroq.