O‘zbekiston futbol assosiasiyasi matbuot xizmati rahbari rahbari Davron Fayziyev nima uchun Lionel Messi "The Best" sovrinini qo‘lga kiritganiyu, nima uchun o‘zi argentinalik futbolchiga ovoz berganini tushuntirib o‘tdi.

"Messini tabriklayman birinchi navbatda! U o‘ziga ovoz bermagan, unga ovoz berishgan. Albatta 2023 yilda sport prinsiplari bo‘yicha Xoland munosibroq edi. Nega natija unday bo‘lmadi?

Gap muddatda. Ovoz berish 14 sentyabrda boshlangan va u payt JCH effekti saqlanib turgandi. FIFA ogohlantirgani bilan, mantiqan ko‘pchilik o‘tgan sentyabrdan bunisigacha masofani tasavur qildi. Messi esa o‘sha payt "Mayami"da ham aktiv gollar urib turdi. Qolaversa "Oltin to‘p"ni ham Messi olishi deyarli ayon edi. Sovrin oradan 4 oy o‘tib yanvar o‘rtasida topshirilyapti. Shularning ta’siri bo‘ldi. Men birinchi o‘ringa Xolandni yozgandim. Lekin yuqoridagi effekt sabab Leoni ham uchlikka kiritgandim. Yanvarda ovoz berganimda uchligimda bo‘lmasdi.

Xolandga bu salbiy ta’sir qilsa kerak. Manchesterda bo‘la turib Londonga kelmaganidan ham tushunsa bo‘ladi. U yil davomida individual sovrin yutish uchun amalga oshirish mumkin bo‘lgan hamma ishni qildi. Aybi shuki, eng zo‘r mavsumi ikki buyuklar davrining oxiriga duch kelib qoldi. Biriga sovrin yutqazdi, biriga yil to‘purari poygasini. Nomlar kattalik qildi. Yutug‘i shuki, buyog‘iga ularsiz davom etadi. Agar ruhan sinmasa, oladi hali o‘sha oltindan bo‘lgan to‘pniyam, bestniyam, butsani ham", — deya yozdi Davron o‘zining kanalida.