Londonning "Tottenxem" jamoasining yangi a’zosi Radu Dregushin "Bavariya" varianti bo‘lishiga qaramay, nima uchun London klubiga o‘tganini tushuntirdi.
Eslatib o‘tamiz, “shporlar” 21 yoshli ruminiyalik uchun “Jenoa”ga 25 million yevro to‘lagan edi.
"Bavariya"ni rad etganim rost. "Tottenxem"ga o‘tish men uchun to‘g‘ri bo‘ladi deb o‘yladim. Murabbiy bilan juda ijobiy suhbatlashdim. Menga ma’lum bo‘ldiki, klub anchadan beri meni qo‘lga kiritmoqchi edi. Hammasi transfer oynasi ochilishidan bir oy oldin boshlandi. Mening orzum Angliya Premyer-ligasida o‘ynash edi, bu ham muhim rol o‘ynadi. O‘ylaymanki, jamoamiz hozir to‘g‘ri yo‘nalishda ketmoqda", - deya Dregushinning so‘zlaridan iqtibos keltiradi The Athletic.
