Лондоннинг "Тоттенхэм" жамоасининг янги аъзоси Раду Дрэгушин "Бавария" варианти бўлишига қарамай, нима учун Лондон клубига ўтганини тушунтирди.
Эслатиб ўтамиз, “шпорлар” 21 ёшли руминиялик учун “Женоа”га 25 миллион евро тўлаган эди.
"Бавария"ни рад этганим рост. "Тоттенхэм"га ўтиш мен учун тўғри бўлади деб ўйладим. Мураббий билан жуда ижобий суҳбатлашдим. Менга маълум бўлдики, клуб анчадан бери мени қўлга киритмоқчи эди. Ҳаммаси трансфер ойнаси очилишидан бир ой олдин бошланди. Менинг орзум Англия Премьер-лигасида ўйнаш эди, бу ҳам муҳим роль ўйнади. Ўйлайманки, жамоамиз ҳозир тўғри йўналишда кетмоқда", - дея Дрэгушиннинг сўзларидан иқтибос келтиради The Athletic.
