Seshanba oqshomida "Yuventus" Italiya chempionati doirasida "Sassuolo"ga qarshi o‘yin o‘tkazadi. Turin klubi maydonga tushishga tayyor bo‘lgan futbolchilar ro‘yxatini e’lon qildi.
Hech qanday ajablanib bo‘lmadi. "Keksa sinyora"ga to‘rt nafar futbolchi yordam bera olmaydi. Federiko Gatti va Ueston Makkenni diskvalifikasiya tufayli, Mattia De Shilyo va Moyze Kin esa jarohat tufayli maydonga tusha olmaydi.
A Seriya doirasidagi “Yuventus” – “Sassuolo” uchrashuvi Toshkent vaqti bilan 00:45da boshlanadi.
"Yuventus" ayni damda Italiya chempionatida ikkinchi o‘rinni egallab turibdi. Jamoa bir o‘yin kam o‘tkazgan "Inter"dan besh ochkoga ortda qolmoqda.
