Сешанба оқшомида "Ювентус" Италия чемпионати доирасида "Сассуоло"га қарши ўйин ўтказади. Турин клуби майдонга тушишга тайёр бўлган футболчилар рўйхатини эълон қилди.
Ҳеч қандай ажабланиб бўлмади. "Кекса синьора"га тўрт нафар футболчи ёрдам бера олмайди. Федерико Гатти ва Уэстон Маккенни дисквалификация туфайли, Маттиа Де Шильо ва Мойзе Кин эса жароҳат туфайли майдонга туша олмайди.
А Серия доирасидаги “Ювентус” – “Сассуоло” учрашуви Тошкент вақти билан 00:45да бошланади.
"Ювентус" айни дамда Италия чемпионатида иккинчи ўринни эгаллаб турибди. Жамоа бир ўйин кам ўтказган "Интер"дан беш очкога ортда қолмоқда.
