Anton Miranchuk Turkiya chempionatiga o‘tishga tayyor.
Oldinroq “Lokomotiv” yarim himoyachisiga “Beshiktosh” klubi qiziqish bildirayotgani haqida xabarlar tarqalgan edi.
28 yoshli futbolchi "temiryo‘lchilar"ning shartnomani uzaytirish taklifini qabul qilmadi, chunki klub uning maoshini 2,4 million yevrodan 1,2 millionga tushirmoqchi edi.
Sabah xabariga ko‘ra, Miranchuk "Beshiktosh"ga o‘tishga rozi bo‘lgan, biroq yiliga 3 million yevro maosh so‘ragan - bu summa klub to‘lashga tayyor bo‘lganidan ancha yuqori. Muzokaralar davom etmoqda.
Joriy mavsumda yarim himoyachisi 17 ta o‘yinda maydonga tushib, 2 ta gol va 3 ta golli uzatmani amalga oshirdi.