Антон Миранчук Туркия чемпионатига ўтишга тайёр.
Олдинроқ “Локомотив” ярим ҳимоячисига “Бешиктош” клуби қизиқиш билдираётгани ҳақида хабарлар тарқалган эди.
28 ёшли футболчи "темирйўлчилар"нинг шартномани узайтириш таклифини қабул қилмади, чунки клуб унинг маошини 2,4 миллион евродан 1,2 миллионга туширмоқчи эди.
Sabah хабарига кўра, Миранчук "Бешиктош"га ўтишга рози бўлган, бироқ йилига 3 миллион евро маош сўраган - бу сумма клуб тўлашга тайёр бўлганидан анча юқори. Музокаралар давом этмоқда.
Жорий мавсумда ярим ҳимоячиси 17 та ўйинда майдонга тушиб, 2 та гол ва 3 та голли узатмани амалга оширди.
