“Lill” markaziy himoyachisi Leni Yoro Yevropaning top klublaridan biriga o‘tishi mumkin. Bu haqda jurnalist Florian Plettenberg X ijtimoiy tarmog‘ida (sobiq Twitter) xabar berdi.

Manbaga ko‘ra, "Bavariya" va "Manchester Yunayted" 18 yoshli himoyachini sotib olishni jiddiy maqsad qilgan. Har ikki klub Yoroni yozgi transferlar vaqtida qo‘lga kiritishga harakat qiladi. Qayd etilishicha, so‘nggi paytlarda yosh himoyachining manfaatlarini mashhur futbol agenti Jorje Mendesh himoya qilgan.

Joriy mavsumda Yoro “Lill” safida barcha musobaqalarda 23 ta o‘yin o‘tkazib, 3 ta gol urgan.