“Лилль” марказий ҳимоячиси Лени Йоро Европанинг топ клубларидан бирига ўтиши мумкин. Бу ҳақда журналист Флориан Плеттенберг Х ижтимоий тармоғида (собиқ Twitter) хабар берди.
Манбага кўра, "Бавария" ва "Манчестер Юнайтед" 18 ёшли ҳимоячини сотиб олишни жиддий мақсад қилган. Ҳар икки клуб Йорони ёзги трансферлар вақтида қўлга киритишга ҳаракат қилади. Қайд этилишича, сўнгги пайтларда ёш ҳимоячининг манфаатларини машҳур футбол агенти Жорже Мендеш ҳимоя қилган.
Жорий мавсумда Йоро “Лилль” сафида барча мусобақаларда 23 та ўйин ўтказиб, 3 та гол урган.