"PSJ" va Fransiya terma jamoasi hujumchisi Kilian Mbappening fikricha, hozir muxlislar futbolchilardan ko‘p narsa kutishmoqda.

"Biz ko‘plab o‘yinlar o‘tkazilayotgan, odamlar o‘yinchilardan ko‘p narsa kutayotgan davrda yashayapmiz. Bosim menga salbiy ta’sir qilmasligini ko‘rsatdim, hattoki bu menga futbol o‘ynashim uchun kerak, deb aytardim. Bu sizga eng yuqori darajada ishlash uchun zarur bo‘lgan mahorat darajasini saqlab qolish imkonini beradi", - deya Mbappening so‘zlarini keltiradi GQ France.

Joriy mavsumda 25 yoshli Kilian Mbappe "PSJ" safida barcha turnirlarda 25 ta o‘yin o‘tkazib, 26 ta gol va 3 ta golli uzatmani amalga oshirdi.