«Dinamo» jamoasi Superliga yangi mavsumiga tayyorgarlik rejasidagi 4-yig‘in doirasida Birlashgan Arab Amirliklariga yetib bordi.
Abu-Dabi shahrida 17-29 yanvar kunlari o‘tkaziladigan xorij yig‘ini doirasida jamoa 5ta o‘rtoqlik o‘yinida maydonga tushishini ma’lum qilgandik.
Ushbu bahslarda uch nafar futbolchi – himoyachilar Artyom Sokol va Odil Abdumajidov, hujumkor yarimhimoyachi Husniddin G‘ofurov jamoa ko‘rigida bo‘ladi. Avvalroq, jamoada bo‘lgan gruziyalik himoyachi Anton Tolordava mavsumni samarqandliklar safida boshlamaydigan bo‘ldi. Ko‘rikdagi Samuel Baxa esa tarkibda olib qolinmadi. Dilshod Rahmatullayev esa jamoaning xorij yig‘inini o‘tkazib yuborib, klub Samarqandga qaytgach, tarkibga qo‘shiladi. Kojo Joel esa Osiyo kubogidagi ishtirokidan keyin klubimiz safiga qaytishi rejalashtirilgan.
«Dinamo»ning Abu-Dabiga yo‘l olgan 37 kishilik ro‘yxati bilan tanishing:
Darvozabonlar: Farhod Rahmatov, Ravshanbek Yagudin;
Himoyachilar: Salim Mustafoyev, Dushan Miyich, Vohidjon Oqbo‘tayev, Komil Sharofutdinov, Anvar Fayzullayev, Xurshidbek Ubaydullayev, Ulug‘bek Abdullayev, Vladimir Kozak, Artyom Sokol, Odil Abdumajidov;
Yarimhimoyachilar: Javlon Malikov, Damir Temirov, Akbar Ismatullayev, Humoyunmirzo Iminov, Xislat Xalilov, Muhammadbobur Asadullayev, Fransis Narx, Abubakr Muydinov, Farrux Ikromov, Sanjar Shoahmedov, Bobur Yorbekov, Husniddin G‘ofurov;
Hujumchilar: Emmanuyel Yagr, Bahodir Nasimov, Anvar Hojimirzayev, Elnur Saitmurodov;
Bosh murabbiy: V.Abramov
Murabbiylar shtabi: M. Miftaxutdinov, A.Ananyan, A.Rahimov
Administrator: A.Bozorov
Tibbiy bo‘lim: I.Abduvohidov, B.Zoidov, R.O‘sarov
Operator: F.YUsupov.
«Dinamo»ning Abu-Dabidagi o‘rtoqlik o‘yinlari:
18 yanvar. «Dinamo» - «Rostov» (Rossiya)
21 yanvar. «Dinamo» - «Zenit» (Rossiya)
23 yanvar. «Dinamo» - Qatar U23
26 yanvar. «Dinamo» - «Al-Fayha» (S.Arabistoni)
28 yanvar. «Dinamo» - «Al-SHabob» (S.Arabistoni).
