"Manchester Yunayted" egalari Gleyzerlar oilasi ingliz klubining 25 foiz ulushini sotib olish bo‘yicha kelishuvga erishgan britaniyalik milliarder Jim Retkliff kelajakda o‘z ulushini sotishga majbur bo‘lishini ta’minlashi mumkin. Bu haqda The Times nashri xabar bermoqda.

Manbaning xabariga ko‘ra, ayni damda bu kelishuv Angliya Premyer-ligasi tomonidan tasdiqlanmoqda. Biroq, agar Premyer-liga buni ma’qullasa va Retkliff "Manchester Yunayted"ning to‘liq egasiga aylansa ham, aka-uka Gleyzerlar britaniyalik milliarderni klubni boshqarishdan chetlatish vositalariga ega bo‘lishadi.

Ushbu bitim tugaganidan 18 oy o‘tgach, Gleyzerlar "Manchester Yunayted"ning barcha aksiyalarini manfaatdor xaridorga sotish huquqiga ega bo‘ladi, bu esa Retkliffni ham o‘z ulushini sotishga majbur qiladi.