"Манчестер Юнайтед" эгалари Глейзерлар оиласи инглиз клубининг 25 фоиз улушини сотиб олиш бўйича келишувга эришган британиялик миллиардер Жим Рэтклифф келажакда ўз улушини сотишга мажбур бўлишини таъминлаши мумкин. Бу ҳақда The Times нашри хабар бермоқда.

Манбанинг хабарига кўра, айни дамда бу келишув Англия Премьер-лигаси томонидан тасдиқланмоқда. Бироқ, агар Премьер-лига буни маъқулласа ва Рэтклифф "Манчестер Юнайтед"нинг тўлиқ эгасига айланса ҳам, ака-ука Глейзерлар британиялик миллиардерни клубни бошқаришдан четлатиш воситаларига эга бўлишади.

Ушбу битим тугаганидан 18 ой ўтгач, Глейзерлар "Манчестер Юнайтед"нинг барча акцияларини манфаатдор харидорга сотиш ҳуқуқига эга бўлади, бу эса Рэтклиффни ҳам ўз улушини сотишга мажбур қилади.