Yarim himoyachi Enso Fernandes 2022 yilning yozida "River Pleyt"dan "Benfika"ga o‘tdi. Tuttomercato xabariga ko‘ra, o‘shanda "Milan" argentinalik futbolchini o‘z safiga qo‘shib olish imkoniyatiga ega bo‘lgan, biroq A Seriya giganti 12 million yevro evaziga transferni amalga oshirishdan bosh tortgan.
O‘sha yilning oxirida Enso Fernandes Argentina terma jamoasi tarkibida jahon chempioni bo‘ldi. Yarim himoyachi Qatardagi jahon chempionatining eng yaxshi yosh futbolchisi deb topildi. 2023 yilning yanvar oyi oxirida Fernandes "Chelsi"ga o‘tdi - londonliklar futbolchi uchun 121 million yevro to‘lashdi.
2023/2024 yilgi mavsumda Enso Fernandes 24 ta o‘yinda 4 ta gol urdi va sherigiga bitta golli uzatma berdi.